İsveçrə hazırda xidmətdə olan “F/A-18 Hornet” və “F-5 Tiger” təyyarələrini əvəz edəcək 36 ədəd F-35A qırıcısının alınması üçün ABŞ-la müqavilə imzalayıb.
Müqavilənin məbləği 6,035 milyard frank (6,2 milyard dollardan çox) təşkil edir.
Yeni hərbi təyyarələrin alınması üçün bu məbləğin ayrılması 2020-ci ilin sentyabrında İsveçrədə keçirilən referendumda təsdiqlənib.
Ötən cümə günü isə Amerika qırıcılarının alınmasına İsveçrə parlamenti tərəfindən də icazə verilib.
Mənbə: TASS
