Milorad Dodik Serb Respublikasının prezident seçkilərində iştirak etməyəcək.
Interpress.az xəbər verir ki, Bosniya və Herseqovinanın Serb Respublikasının hazırkı rəhbəri Milorad Dodik qarşıdakı prezident seçkilərində iştirak etməyəcəyini açıqlayıb.
Onun sözlərinə görə, bu qərar şəxsi və siyasi mülahizələrlə bağlıdır.
Dodik bildirib ki, artıq uzun illərdir siyasi arenada olduğunu və gələcəkdə yeni nəsil siyasətçilərə meydan verməyin vaxtı çatdığını düşünür.
Ekspertlərin fikrincə, Dodikin seçkilərdə iştirak etməməsi regiondakı siyasi balansı dəyişə bilər. O, hazırkı vəzifəsini icra etdiyi dövr ərzində həm daxili, həm də beynəlxalq siyasətdə təsirli fiqur hesab olunub.
Qeyd edək ki, Dodik dəfələrlə Qərb siyasətini sərt tənqid edib və Serb Respublikasının muxtariyyətini qorumaq istiqamətində radikal bəyanatlarla çıxış edib.
Onun seçkilərdə olmaması Serbiya ilə Bosniya və Herseqovina daxilindəki siyasi münasibətlərə də təsir göstərə bilər.
Xuraman Etibarlı
Interpress.az
