Myanmada baş verən güclü zəlzələ nəticəsində ölənlərin sayı 3085 nəfərə çatıb, 4714 nəfər yaralanıb.
İnterpress.az xəbər verir ki, bu barədə “Xinhua“ agentliyi məlumat yayıb.
Agentliyin məlumatına görə, 341 nəfər itkin düşmüş hesab olunur.
Xatırladaq ki, martın 28-də Myanmada zəlzələ baş verib. Taylandın Meteorologiya Departamenti onun maqnitudasını 8,2 bal gücündə qiymətləndirib. Bundan sonra 6,4 bal gücündə ikinci zəlzələ baş verib. Təbii fəlakət Taylanda da təsir edib, yeraltı təkanlar Çin və Vyetnamda hiss olunub.
Myanmada baş verən zəlzələ yaşayış binalarına və infrastruktura ziyan vurub.
