Qırğızıstan Aİ ilə əməkdaşlığı genişləndirməyi hədəfləyir.
İnterpress.az xəbər verir ki, bu barədə Vesti.kg məlumat yayıb.
Baş nazirin müavini Edil Baysalovun rəhbərlik etdiyi Qırğızıstan nümayəndə heyəti Strasburqda Avropa Parlamentində keçirilən dəyirmi masada iştirak edib.
Ticarət, davamlı inkişaf, su və enerji məsələləri və iqlim dəyişikliyi ilə mübarizə sahələrində əməkdaşlıq müzakirə edilib.
Qırğızıstan nümayəndə heyəti aprelin 3-4-də Səmərqənddə keçiriləcək Mərkəzi Asiya-Aİ sammiti ərəfəsində Avropa İttifaqı ilə strateji və uzunmüddətli tərəfdaşlığa sadiqliyini təsdiqləyib.
Baysalov Aİ ilə daimi koordinasiya mexanizmlərinin, o cümlədən regional layihələrin həyata keçirilməsi üçün birgə investisiya fondu və ya bankın yaradılmasının zəruriliyini qeyd edib.
Xuraman Etibarlı
İnterpress.az
