Rusiyada çoxuşaqlı ata və keşiş həbs edilib.
İnterpress.az xəbər verir ki, bu barədə Rusiya mediası məlumat yayıb.
Moskva vilayətindən olan keşiş və 9 uşaq atası müharibə əleyhinə moizə oxuduğuna görə 4 il müddətinə azadlıqdan məhrum edilib.
Pentikostal kilsəsinin 63 yaşlı yüksək vəzifəli keşişi Nikolay Romanyuk “İnternetdə dövlət təhlükəsizliyinə qarşı yönəlmiş fəaliyyətə çağırışda” günahlandırılıb.
Bütün bunlar ona görədir ki, 2022-ci ilin sentyabrında xidmət zamanı oğlanları müharibəyə göndərməyi günah adlandırıb.
“Sizə bir doza təklif edəndə, bir şüşə spirt təklif edəndə və ya sizi döyüşə göndərmək üçün çağırış vərəqəsi alanda – bu, eyni günahdır, eyni dərman və eyni şeytandır… Və bunun üçün hansı kralın – Ukrayna çarının, Amerika çarının çağırışının əhəmiyyəti yoxdur. Ya da çarımız buna çağırır, eyni şeydir”, – o deyib.
2024-cü ilin oktyabrında pastor saxlanılıb. Onun uşaqlarını 12 saat üzü üstə yerə uzanmış vəziyyətdə saxlayıblar.
Təhlükəsizlik qüvvələri Romanyuka üzrxahlığı kamera qarşısında etməyi təklif etsə də, o, rədd edib.
Xuraman Etibarlı
İnterpress.az
