Kalininqrad vilayətində kalium və maqnezium duzları hasil edən şirkətin baş direktorunun başı kəsilmiş meyiti tapılıb.
Interpress.az xəbər verir ki, bu barədə Rusiya mediası məlumat yayıb. Bildirilir ki, Kalininqrad vilayətində “K-Potaş Servis” şirkətinin baş direktoru Aleksey S.-nin başsız cəsədi tapılıb.
Onun meyiti Solneçnoye kəndi yaxınlığında körpünün altında, yanında isə qoşqu trosu ilə aşkarlanıb.
Hadisənin bütün detalları araşdırılır.
Qeyd edək ki, Aleksey S. 2022-ci ilin oktyabrından “K-Potaş Servis” şirkətinə rəhbərlik edirdi. Şirkətin təsisçiləri Niderland və Kipr şirkətləridir.
Keçən il müəssisə qalmaqalla gündəmə gəlmişdi – Nivenskoye qəsəbəsində kalium mədəninin işə düşməsi yenidən təxirə salınmışdı.
Layihənin icrasında texniki işlərin aparıldığı və avadanlıqların dəyişdirildiyi bildirilmişdi.
Əslində isə mədənin 2021-ci ildə fəaliyyətə başlaması nəzərdə tutulurdu, lakin yerli sakinlərin etirazları buna mane olmuşdu.
Xuraman Etibarlı
Interpress.az
