Mayın 1-dən etibarən Azərbaycan digər ölkələrlə quru sərhədlərini açır.
Sözügedən məsələ ilə bağlı hökumət səviyyəsində müzakirələr bitib və yaxın günlərdə aidiyyəti qurumun rəsmi açıqlaması olacaq. Uzun müddət idi ki, deputatlar da hökumətə bu barədə çağırışlar edirdi.
Bəzi ölkələr Azərbaycanla quru sərhədlərini açsa da, ölkəmiz geri addım atmırdı. Baxmayaraq ki, uzun müddətdir ki, ölkənin epidemioloji durumunda sabitlik müşahidə olunur.
Məsələ ilə bağlı Nazirlər Kabineti yanında Operativ Qərgahdan bu dəfə də cavab ala bilmədik.
İnterpress.az bildirir ki, Milli Məclisin üzvü Musa Quliyevin Bizim.media-ya dediyi sözlərinə görə, quru sərhədlərin açılması məsələsində ləngiməyin bir adı yoxdur: Deputat quru sərhədlərin turizm mövsümü ərəfəsində açılmasını vacib hesab edir:
Qeyd edək ki, quru sərhədlər vətəndaşlarımızın üzünə 2020-ci ilin martından etibarən bağlıdır və səfərlər 2 ildir ki, hava nəqliyyatı ilə reallaşır.
