Rusiya mümkün sülh danışıqlarında Ukraynaya qarşı ərazi tələblərini yumşaldıb.
Interpress.az xəbər verir ki, bu barədə Türkiyənin xarici işlər naziri Hakan Fidan bildirib. O deyib ki, Rusiya mümkün sülh danışıqlarında Ukraynaya qarşı ərazi iddialarını yumşaldıb.
Nazirin sözlərinə görə, əvvəllər Moskva Donetsk, Luqansk, Xerson və Zaporojye vilayətlərinin tam nəzarətini tələb edirdi. Lakin ilkin razılaşmaya əsasən, Kremlin indiki döyüş xətti üzrə mövqeləri qəbul edilib, Donetsk vilayətinin bir hissəsi istisna olmaqla.
Fidan qeyd edib ki, söhbət Ukraynanın nəzarətində olan Donetsk vilayətinin qalan 25–30%-nin Rusiyaya verilməsi və Rusiya mövqelərinin Xerson və Zaporojye vilayətlərində saxlanılmasından gedir.
Xuraman Etibarlı
Interpress.az
