Türkiyədə plastik əməliyyat etdirmək istəyən uşaqların yaşı 13-ə düşüb.
İnterpress.az xəbər verir ki, bu barədə Türkiyə KİV məlumat yayıb.
Türkiyədə plastik əməliyyat etdirmək arzusunda olan uşaqların yaş həddi 13-ə qədər enib.
Son zamanlar ölkədə yeniyetmələr və azyaşlılar arasında estetik müdaxilələrə olan marağın kəskin şəkildə artdığı müşahidə olunur.
Əlavə olaraq bildirək ki, psixoloqlar və mütəxəssislər bu tendensiyanın əsas səbəbi kimi sosial şəbəkələrin yeniyetmələrin psixologiyasına göstərdiyi güclü təsiri vurğulayırlar.
Estetik cərrahlara müraciət edən azyaşlıların əksəriyyəti sosial mediadakı “qüsursuz” görünüş standartlarına uyğunlaşmağa çalışırlar.
Həkimlər isə ciddi tibbi zərurət olmadan bu cür erkən yaşda plastik əməliyyatların həyata keçirilməsinin həm fiziki böyüməyə, həm də uşaqların psixoloji sağlamlığına mənfi təsir göstərə biləcəyi barədə xəbərdarlıq edirlər.
Xuraman Etibarlı
İnterpress.az
