Valyutadəyişmə məntəqəsinin mühafizəçisi iş yerini qarət edib.
İnterpress.az xəbər verir ki, 25 yaşlı gənc xüsusi olaraq Sankt-Peterburqda valyutadəyişmə məntəqəsində işə düzəlib.
Pulların yığılmasını gözlədikdən sonra o, işçilərdən birinin üzünə bibər qazı vurub, pul olan bel çantasını oğurlayıb və qaçıb.
O, iş yerini xəyalı naminə – Gelendvagen almaq üçün qarət edib – 11 milyon rubl (təxm. 233 min 450 man.) talayıb.
Soyğunçu tezliklə arzusunu həyata keçirib – Mercedes-Benz SUV alıb və sonra Moskva bölgəsinə gedib.
Ancaq xoşbəxtlik qısa sürüb: polis əməkdaşları onu artıq Pavlovski Posaddakı avtoyuma məntəqəsində gözləyirdilər.
Faktla bağlı cinayət işi açılıb.
Xuraman Etibarlı
İnterpress.az
