Ali Baş Komandan, Prezident İlham Əliyevin rəhbərliyi altında Azərbaycan Ordusu Ermənistanın ardıcıl təxribatlarının və yeni işğal planlarının qarşısını almaq, işğal altında olan torpaqlarımızı azad etmək məqsədilə sentyabrın 27-dən etibarən zəfər yürüşünə başladı. 44 gün davam edən hərbi əməliyyatlar çərçivəsində Azərbaycan Ordusu Ermənistanın 30 il ərzində qurduğu silahlı qüvvələri darmadağın etdi, Cəbrayıl, Qubadlı, Zəngilan, Füzuli rayonlarını, Xocavənd rayonunun böyük hissəsini, Laçın rayonunun bir sıra kəndlərini işğaldan azad etdi.
Ümumilikdə hərbi kampaniya dövründə 5 şəhər, 4 qəsəbə, 286 kənd, çoxsaylı strateji yüksəkliklər işğaldan azad edildi.
Azərbaycanın Müdafiə Nazirliyi düşmənin canlı qüvvəsi və texnikasının məhv edilməsi anlarını gündəlik olaraq ictimaiyyətə təqdim etdi.
44 gün ərzində yayımlanan görüntülərdən ibarət çoxhissəli film hazırlanıb.
“Vətən Müharibəsi – anbaan” filminin onuncu hissəsini təqdim edirik:
İnterpress.az
