Ekvadorda yanacaq daşıyan maşınlarda iki ton kokain tapılıb.
Interpress.az xəbər verir ki, Ekvador polisi məlumat yayıb.
Ekvadorda polis sərhədi keçən iki benzin maşınını yoxlayarkən, onların Kolumbiyadan benzin gətirməli olduğu halda, əslində 2,3 ton kokain daşıdığı məlum olub.
Hadisə 2025-ci il avqustun 28-də Tulkanda baş verib. Hər iki kolumbiyalı sürücü həbs edilib.
Son dövrlərdə Cənubi Amerika ölkələri narkotiklərlə mübarizəni gücləndirib. Xüsusilə, Venesuela hərbi gəmiləri Karib dənizinə və Venesuela körfəzinə göndərərək sərhəddəki silahlı qrupların və kontrabanda fəaliyyətinin qarşısını almağa çalışır.
ABŞ da Cənubi Karib dənizinə hərbi gəmilər göndərərək narkokartellərlə mübarizə aparır.
Xuraman Etibarlı
İnterpress.az
