Zelenski Avropa Şurasının rəhbəri Kosta ilə Vaşinqtona səfərinin nəticələrini və Rusiyaya qarşı sanksiyaları müzakirə edib.
İnterpress.az xəbər verir ki, Ukrayna prezidenti Volodimir Zelenski ilə Avropa İttifaqı Şurasının rəhbəri Antonio Kosta arasında telefon danışığı olub.
Söhbət Vaşinqtonda ABŞ prezidenti Trampla danışıqların yekunlarına həsr olunmuş Avropa Şurasının iclasından az sonra baş tutub.
Zelenski qeyd edib ki, “müharibənin dayandırılması istiqamətində mühüm addım” atılıb və Ukrayna və Avropa üçün “etibarlı təhlükəsizlik zəmanətləri” alınıb.
Ukrayna prezidentinin bəyanatına görə, tərəflər gələcək birgə hərəkətləri, həmçinin Aİ-nin Rusiyaya qarşı 19-cu sanksiyalar paketinin hazırlanmasını müzakirə ediblər.
Xuraman Etibarlı
İnterpress.az
