İnterpress.az xəbər verir ki, bu barədə BakiPost.az-a Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov məlumat verib. Onun sözlərinə görə, mətbuatda bununla bağlı məlumatlar getsə də, hələ qərar yoxdur: \”Hələ ki, əhalinin pensiya yaş həddi qaldırılmayıb. Düzdür mətbuatda belə bir informasiyalar gedib. Amma məsələ ilə bağlı qərar yoxdur. Ola bilər ki, müzakirələr zamanı kimsə belə bir təklif edib. Lakin Milli Məclis tərəfindən qərar qəbul olunmayıb”.
Vahid Əhmədov əhalinin də bu məsələdən narahat olduğunu bildirib: \”Hazırda müzakirələr gedir. Müəyyən beynəlxalq qurumlar çıxış edirlər. Amma hələlik məsələ ilə bağlı müsbət fikir yoxdur. Qərar verilməyib”.
Qeyd edək ki, mətbuatda növbəti əhalinin pensiya yaş həddinin artırılması ilə bağlı məlumatlar gedib. Bu da əhali arasında ajiotaj yaradıb.
İnterpress.az
