Bolqarıstan parlamenti ölkə ordusunun ixtiyarında olan köhnə Rusiya istehsalı olan “nöqsanlı” S-300 raketlərinin Ukraynaya verilməsi barədə qərar qəbul edib.
Bu barədə İnterpress.az xarici mediaya istinadən xəbər verir.
Bolqarıstanın milli radiosu BNR-nin xəbərinə görə, parlament Rusiya istehsalı olan köhnə S-300 raketlərinin Ukraynaya çatdırılmasını nəzərdə tutan qanun layihəsini qəbul edib.
Hakim koalisiya NATO və Aİ-ni dəstəkləyən Bolqarıstanın Avropa İnkişafı Naminə Vətəndaşlar Partiyası (GERB), Davamlı Dəyişiklik (PP) və Demokratik Bolqarıstan (DB) partiyaları və üzvlərindən ibarət Hüquq və Azadlıqlar Hərəkatı (HÖH) partiyasıdır. Əksəriyyəti türklər və müsəlmanlar koalisiyaya qatılmır.
Rusiyapərəst və keçmiş Kommunist Partiyasının xətti ilə siyasət aparan müxalif Bolqarıstan Sosialist Partiyası (BSP) qanun layihəsinə reaksiya verib və səsvermədən əvvəl sessiyanı tərk edib.
Rusiyanın Ukraynaya qarşı müharibəsində Moskvanı dəstəkləyən populist Dirçəliş Partiyası da bu qərara qarşı çıxıb.
Müxalifət partiyaları sessiyanın ilk açıq hissəsində müdafiə naziri Todor Taqarevin istefasını tələb ediblər.
BSP millət vəkili Atanas Zafirov deyib: “Biz indi S-300 raketlərimizi guya “nöqsanlı” olduqlarını əsas gətirərək veririk. Sonra bütün S-300 sistemlərimizi verəcəyik, çünki “raketlərimiz bitdi”.
Baş Qərargah rəisi, ordu generalı Eftim Eftimov verdiyi açıqlamada bildirib ki, mövcud vasitələrlə təmiri mümkün olmayan raketlər S-300 donanmamızın 3-5 faizini təşkil edir.
Hədiyyə edilən raketlərin olmamasının Bolqarıstanın təhlükəsizliyinə mənfi təsir etməyəcəyinə işarə edən Eftimov söyləib: “Bu raketləri ancaq Rusiya təmir edə bilərdi. Müharibə səbəbindən bu, indi mümkün deyil. Qüsurlu raketlərin saxlanması hərbçilərimiz üçün təhlükə yarada bilər”.
Bolqarıstan daha əvvəl Kiyevə 100 köhnə, lakin heç vaxt istifadə etmədiyi zirehli maşın və sursat vermişdi.
