Cənubi Amerika ölkəsi Çilinin mərkəzi və cənub hissələrini əhatə edən meşə yanğınlarında ilkin tapıntılara görə 10 nəfər həyatını itirib. Bu barədə interpress.az xarici mediaya istinadən xəbər verir. Çili səlahiyyətlilərinin açıqlamasına görə, Valparaiso sahil şəhərlərinin bir çox bölgəsində çoxlu yanğınlar baş verib.
Yaşayış məntəqələrinə yayılan yanğın nəticəsində indiyədək 10 nəfər ölüb.
Çili prezidenti Qabriel Boric X sosial media hesabından verdiyi açıqlamada fövqəladə vəziyyət (OHAL) elan etdiklərini ifadə edib:”Bütün komandalarımızı yanğınlara müdaxilə etmək üçün ölkənin mərkəzi və cənub bölgələrinə yönləndirdik”.
Yanğınların Concon, Quintero və Maitencillo şəhərlərinə doğru sürətlə yayıldığı paylaşılıb.
Çili mətbuatında dərc olunan xəbərlərdə Valparaiso şəhərindən təxminən 20 kilometr uzaqlıqda yerləşən Penuelas Gölü Təbiət Parkında yanğın baş verdiyi bildirilir.
Milli Fəlakətin Qarşısının Alınması və Müdaxilə Xidmətinin (Senapred) verdiyi açıqlamada güclü külək səbəbiylə yanğının sürətlə yayıldığı və bəzi şəhərlərdə təxliyyə prosedurlarına başlanıldığı açıqlanıb.
Çilidə 2023-cü ilin fevral ayında meşə yanğınları nəticəsində 13 nəfər həlak olub.
