Şimali Koreya bildirib ki, super böyük döyüş başlığı qanadlı raketi sınaqdan keçirib. Bu barədə interpress.az xarici mediaya istinadən xəbər verir. Şimali Koreya Mərkəzi Xəbər Agentliyinin (KCNA) xəbərinə görə, ölkədəki Baş Raket İdarəsi Sarı dənizdə həyata keçirilən sınaqlarla bağlı açıqlama verib.
Açıqlamada super böyük döyüş başlıqlı qanadlı raket adlandırılan raket üçün sınaqların keçirildiyi və sınaqların yeni tip silah sistemlərinin müxtəlif aspektlərinin sürətli inkişafı üçün aparıldığı bildirilib.
Bəyanatda həmçinin qeyd olunub ki, yeni tip zenit raketi qərb sahillərinə buraxılıb.
Cənubi Koreya Baş Qərargahının dünən verdiyi açıqlamada Şimali Koreyanın yerli vaxtla saat 11:00 radələrində qərb sahilindən bir neçə qanadlı raket atdığı bildirilib.
Açıqlamada atılan raketlərin sayı və texniki xüsusiyyətləri ilə bağlı təfərrüatlar yer almayıb.
