Avstraliyanın Yeni Cənubi Uels ştatının Sidney şəhərində botanika bağına ildırım düşməsi nəticəsində 4 nəfər xəsarət alıb.
Bu barədə interpress.az xarici mediaya istinadən xəbər verir.
Belə ki, ildırım Sidneydəki botanika bağında ağaca dəyib.
Hadisə yerinə gələn tibb qrupları ağacın altında qalan 2-si qadın olmaqla 4 nəfərə tibbi yardım göstərib.
Xəstəxanaya yerləşdirilən 4 nəfərin vəziyyətinin yaxşı olduğu bildirilib.
Meteorologiya Bürosu (BOM) ölkədə güclü yağış, güclü külək və dolunun təsirli olacağı barədə xəbərdarlıq etmişdi.
Sidneyin şimalında və Hunter bölgəsində təxminən 19 500 evdə elektrik kəsilib.
