Beş silahlı quldur dəstəsi italyan futbolçu Roberto Baccionun evinə soxulub.
İnterpress.az xəbər verir ki, bu barədə “Corriere della Sera” qəzeti məlumat yayıb.
Hadisə o, ailəsi ilə Avropa Futbol Çempionatının İspaniya və İtaliya matçına baxan zaman baş verib.
Baccio basqınçılara müqavimət göstərməyə çalışıb. Onlardan biri tapançanın qundağı ilə futbolçunun başına zərbə endirib. Zərbə onun ağır qanaxmasına səbəb olub.
Ev sahibi və ailəsi otaqlardan birinə bağlanaraq kilidlənib. O, quldurlar getdikdən təxminən 40 dəqiqə sonra otaqdan çıxa bilib. Baccio polisə zəng etdikdən sonra özü xəstəxanaya yerləşdirilib.
Onun ailə üzvləri xəsarət almayıb. Cinayətkarlar saatlar, qızıl-zinət əşyaları və pul oğurlayıblar.
Xuraman Etibarlı
İnterpress.az
