Rusiya Ermənistanda növbədənkənar parlament seçkilərini dəstəkləyə bilər.
interpress.az xəbər verir ki, bu barədə erməni mediası məlumat yayıb. Media yazır ki, Tramp ABŞ prezident seçkilərində qalib gəlsə və Rusiya-Ukrayna müharibəsini həll etsə, Rusiya Federasiyası Cənubi Qafqazda daha ciddi addımlar atacaq.
Mənbənin sözlərinə görə, Ermənistan hakimiyyəti bunu başa düşür və buna görə də anti-Rusiya mövqelərini yumşaldırlar.
“Ukrayna müharibəsindən əllərini azad edən Rusiya Ermənistanda növbədənkənar parlament seçkilərini dəstəkləyə bilər. Üstəlik, hökumətin pərdəarxası söz-söhbətlərə görə, bu, Qərbin ləyaqəti ola bilər. Yeni parlamentin 70 faizi rusiyayönlü və milli qüvvələrdən, 30 faizi isə qərbyönlü qüvvələrdən ibarət olacaq”, – media qeyd edir.
Xuraman Etibarlı
İnterpress.az
