İraqın neft nazirinin müavini həbs edilib. Evindən külli miqdarda silah-sursat aşkarlanıb.
İnterpress.az xəbər verir ki, bu barədə İraqın hüquq-mühafizə orqanları məlumat yayıb.
İraqın neft nazirinin müavini Adnan əl-Cəmili keçirilən xüsusi əməliyyat nəticəsində həbs edilib.
Aparılan axtarışlar zamanı yüksək vəzifəli məmurun evindən tam bir cəbbəxana – çox sayda müxtəlif növ silah və sursat aşkarlanaraq müsadirə olunub.
Saxlanılan şəxs və onun evində aşkar edilən silah-sursatla bağlı müvafiq araşdırmalar davam etdirilir.
Hüquq-mühafizə orqanları nazir müavininin silahları hansı məqsədlə saxladığını və onun cinayət əlaqələrini araşdırır.
Xuraman Etibarlı
İnterpress.az
