Samara sakini liftdə itinin qayışı səbəbindən barmağının falanqasını itirib.
İnterpress.az xəbər verir ki, bu barədə Rusiya mediası məlumat yayıb.
Samara şəhərində bir kişi liftdə bədbəxt hadisə nəticəsində barmağından ağır xəsarət alıb.
Bildirilir ki, kişi itinin lift kabinəsinə daxil olduğunu görməyib. Lift hərəkətə başladıqdan sonra itin qayışı kişinin barmağına güclü şəkildə sıxılıb.
Hadisə zamanı it sinə qayışından azad olub, sahibinin barmağı isə ciddi xəsarət alıb.
Həkimlər yaranmış zədə səbəbindən barmağın falanqasını amputasiya etmək məcburiyyətində qalıblar.
Xuraman Etibarlı
İnterpress.az
