ABŞ-nin hərbi-nəqliyyat təyyarəsi Avropa səmasında təşviş siqnalı verib
İnterpress.az xəbər verir ki, bu barədə “Flightradar”ın məlumatlarında qeyd olunub.
ABŞ Hərbi Hava Qüvvələrinə məxsus hərbi-nəqliyyat təyyarəsi uçuş zamanı gözlənilmədən təşviş siqnalı (sos) göndərib.
Məlumata görə, təyyarə Rumıniyadan havaya qalxıb və Çexiya səması üzərində olarkən təhlükə barədə xəbərdarlıq edib.
Hazırda təyyarə Almaniyanın Frankfurt şəhəri yaxınlığında, “Ramşteyn” aviabazasının yaxınlığında yerləşir.
Təyyarənin təşviş siqnalı göndərməsinin səbəbləri və texniki vəziyyəti ilə bağlı hələlik rəsmi açıqlama verilməyib.
Xuraman Etibarlı
İnterpress.az
