Avropa İttifaqı (Aİ) fermerlərin etirazları səbəbindən bəzi kənd təsərrüfatı torpaqlarının əkinsiz buraxılmasını tələb edən qaydalara istisna tətbiq edib.
Bu barədə interpress.az xarici mediaya istinadən xəbər verir.
Aİ Komissiyası avropalı fermerləri əkilmiş torpaqlarla bağlı qaydalardan azad etmək qərarına gəldiyini açıqlayıb.
Qərarın AB fermerlərinin qarşılaşdıqları çətinliklərə qarşı nadaq qaydalardan azad edilmə istəklərini qarşılamaq üçün alındığı bildirilib.
Açıqlamada fermerlərin əkin sahələrinin 4 faizini boş qoymaq əvəzinə bu torpaqlarda mərcimək, lobya və ya noxud kimi azot saxlayan bitkilər əkə biləcəyi və bu torpaqlara Aİ subsidiyalarının davam edəcəyi bildirilib.
1 yanvar 2024-cü il tarixindən geriyə dönük qaydada istifadəyə verilmə qaydasının istisna ediləcəyi və 31 dekabr 2024-cü ilə qədər davam edəcəyi ifadə edilib.
Son zamanlar Avropa ölkələrində fermerlər intensiv etiraz aksiyaları təşkil edirlər. Fermerlər istehsal xərclərinin artması fonunda kənd təsərrüfatı məhsullarına daha yüksək qiymət verilməsini istəyirlər.
Birliyin kənd təsərrüfatı siyasətləri, ətraf mühit, iqlim və təbiətin bərpası hədəfləri, subsidiyaların azaldılması, yüksək enerji, yanacaq və gübrə xərcləri, Ukrayna və digər ölkələrdən ucuz taxıl məhsulları, suya qənaət tədbirləri və uzun sürən bürokratik prosedur və proseslərdən şikayət edən fermerlər, tələbat problemlərinin həlli yolları müzakirə edilib.
AB Komissiyasının sədri Ursula fon der Leyen keçən həftə 2030-cu ilə qədər pestisidlərin istifadəsini 50 faiz azaltmaq planından imtina edildiyini açıqlayıb.
Aİ ölkələrinin kənd təsərrüfatı nazirləri fevralın 26-da Brüsseldə sektorun problemlərini müzakirə edəcəklər.
