Azərbaycanda avrokuboklara vəsiqə qazanan bütün komandalar bəlli olub, “Neftçi” kənarda qalıbbackend

Azərbaycanda avrokuboklara vəsiqə qazanan bütün komandalar bəlli olub, “Neftçi” kənarda qalıb

  • whatsapp
  • messenger
  • telegram
  • vkontakte
  • odnoklassniki

Azərbaycan Premyer Liqasında gümüş, bürünc mükafatçılar və avrokuboklara vəsiqə qazanan komandalar müəyyənləşib.

İnterpress.az-ın məlumatına görə, buna sonuncu – XXXVI turun ilk qarşılaşmalarından sonra aydınlıq gəlib.

“Sumqayıt” “Qəbələ”ni, “Zirə” isə “Səbail”i 1:0 hesabı ilə məğlub edib. “Sabah” səfərdə “Neftçi”ni minimal hesabla üstələyib – 1:0.

Xallarının sayını 58-ə çatdıran “Zirə” həm gümüş mükafatçı olub, həm də UEFA Avropa Liqasına vəsiqə qazanıb. Eyni xala malik “Sabah” üçüncü yeri tutmaqla yanaşı UEFA Konfrans Liqasında iştirak hüququ əldə edib.

Rəqiblərindən bir xal az toplayan “Sumqayıt” dördüncü pillə ilə kifatətlənib və Konfrans Liqasında mübarizə aparacaq. “Neftçi” isə avrokuboklardan kənarda qalıb.

Xatırladaq ki, “Qarabağ” Çempionlar Liqasında çıxış edəcək.

Qeyd edək ki, Premyer Liqada mövsümə sabah keçiriləcək “Turan Tovuz” – “Kəpəz” və “Araz-Naxçıvan” – “Qarabağ” oyunları ilə yekun vurulacaq.