Bakıda kirayə ev axtaranlar üçün pis xəbər – Videobackend

Bakıda kirayə ev axtaranlar üçün pis xəbər – Video

  • whatsapp
  • messenger
  • telegram
  • vkontakte
  • odnoklassniki

bir neçə aydır ki, kirayə mənzil bazarında durğunluq yaşanır.

İnterpress.az xəbər verir ki, ekspertlər bunu kirayə evlərin qiymətinin hər keçən gün bahalaşması ilə əlaqələndirirlər. Hər il bu aylarda kirayə mənzillərin qiymətində enmə müşahidə edilsə də, bu ilə əksinədir. Bəs buna səbəb nədir?

Pandemiya qaydalarının yumşalması kirayə mənzil bazarında qiymətlərə ciddi təsir edib.

Əvvəllər bu aylarda paytaxtda kirayə mənzillərin qiymətində enmə müşahidə edilirdisə, bu tendensiyadan indi əsər əlamət yoxdur. Əmlak məsələləri üzrə ekspert Nofəl Quliyev deyir ki, səbəb dərslərin ənənəvi qaydada keçirilməsidir. Bakıda kirayədə yaşayan tələbələr qaldıqları evi tətil vaxtında sahibinə qaytarmırlar.

Ev alqı-satqısı ilə məşğul olan Həşim Qədirov da deyir ki, tələbələr kirayə mənzilləri vermədikləri üçün bazarda mənzil qıtlığı yaranıb. Rəqabət azaldığından kirayə mənzillərin qiyməti də bahalaşıb.

Ekspert Nofəl Quliyev deyir ki, paytaxtda kirayə mənzil bazarı müştərilərinin təxminən 70-75 faizini tələbələr təşkil edir. Ekspertin sözlərinə görə, hazırda evlərin qiymətində 100-150 manat bahalaşma var. Əgər bazarda mənzil çox olmazsa, qiymət artımı növbəti aylarda da davam edəcək.

Ekspertlər onu da bildirirlər ki, hazırda kirayə mənzil bazarında ən çox tələbat ikiotaqlı mənzillərədir.(xəzər xəbər)