ABŞ hərbçiləri Oman körfəzində “Wen Yao” tankerində yoxlama aparıblar.
İnterpress.аz xəbər verir ki, bu barədə xarici KİV məlumat yayıb.
ABŞ Mərkəzi Komandanlığı (CENTCOM) Amerika hərbi qulluqçularının Oman körfəzində “Wen Yao” adlı neft tankerinə daxil olduqlarını açıqlayıb.
Hərbçilər gəminin göyərtəsinə qalxaraq orada hərtərəfli yoxlama və təftiş işləri həyata keçiriblər.
Məlumata görə, bu əməliyyat dəniz təhlükəsizliyinin təmin edilməsi çərçivəsində baş tutub.
Yoxlamanın konkret səbəbləri və gəmidə hər hansı şübhəli yükün aşkar edilib-edilməməsi barədə hələlik rəsmi məlumat verilməyib.
Qeyd edək ki, ABŞ ordusu regionda dəniz nəqliyyatının təhlükəsizliyini qorumaq və qanunsuz qaçaqmalçılıq fəaliyyətlərinin qarşısını almaq məqsədilə Oman körfəzində mütəmadi olaraq patrul xidməti və gəmilərə baxış əməliyyatları keçirir.
Xuraman Etibarlı
İnterpress.аz
