İrəvan-Artaşat yolunda Azərbaycan bayrağı olan avtomobil görüntülənib.
İnterpress.az xəbər verir ki, video internetdə yayımlanıb. Videonun dəqiq nə vaxt çəkildiyi məlum deyil.
“İnternetdə baqajında Azərbaycan bayrağı olan avtomobilin magistral yolda hərəkətini əks etdirən video yayılır”, – Ermənistan daxili işlər nazirinin mətbuat katibi Narek Sarkisyan Facebook səhifəsində yazıb.
“Nəqliyyat vasitəsini idarə edən şəxs tərəfindən törədilmiş hüquqpozma hallarının aydınlaşdırılması və bununla bağlı müvafiq işin başlanması məsələsinin müzakirəsi məqsədilə sürücü və avtomobil Vaqarşapat RPİ-yə aparılıb. Əlavə məlumat veriləcək”, – Sarkisyan qeyd edib.
Xuraman Etibarlı
İnterpress.az
