Gürcüstanın Tbilisi şəhərindəki Metexi körpüsündən Kür çayına avtomobil aşıb.
Bu barədə interpress.az xarici mediaya istinadən xəbər verir.
Bir neçə saat Kürdə axtarış tədbirləri davam etdirilib.
Hadisə şahidlərinin sözlərinə görə, avtomobil Metexi körpüsünün məhəccərinə dəyib, sonra Kürə düşüb.
Xilasedicilər Metexi körpüsündən Mtkvari (Kür) çayına düşən avtomobili çıxarıblar.
Məlumata görə, avtomobilin içərisində bir nəfərin meyiti tapılıb.
Hadisənin hansı səbəbdən baş verdiyi hələlik məlum deyil. Lakin mövcud məlumata görə, avtomobil Metexi körpüsündə bəndi sındıraraq çaya düşüb.
Xilasedicilər bir neçə saat çalışıblar. Hadisə yerinə təcili tibbi yardım briqadası və polis səfərbər edilib. Hadisə ilə bağlı araşdırma aparılır.
