< Midilli adasında qeyri-qanuni mühacirləri daşıyan qayığın qayalara çırpılması nəticəsində iki nəfər dənizə düşərək həyatını itirib. Bu barədə interpress.az xarici mediaya istinadən xəbər verir. Yunanıstan mətbuatında çıxan xəbərlərə görə, içində 60 nəfərin olduğu qayıq Lesbos adası yaxınlığında qayalara çırpılıb. Qəza nəticəsində dənizə düşən 3 nəfərdən 2-nin cəsədi tapılsa da, digər şəxsi tapmaq mümkün olmayıb. Qayıqda olan digər 57 nəfər isə səlahiyyətlilər tərəfindən adadakı immiqrantların qəbulu mərkəzinə aparılıb. İtkin düşən şəxsin axtarışları davam edir.
Lesbosda nizamsız miqrantları daşıyan qayıq qayalara çırpılıb
