Norveçin Qardermoen şəhərindəki Oslo hava limanında iki həftə ərzində 3 qəza baş verib.
Bu barədə interpress.az xarici mediaya istinadən xəbər verir.
Oslo hava limanında son qəzada Skandinaviya Hava Yollarına məxsus sərnişin təyyarəsinin sol qanadı çıxış qapısındakı hasara çırpılıb.
Təyyarəyə cüzi ziyan vuran qəzada xəsarət alan olmayıb.
Oslo Hava Limanının sözçüsü Monika İren Fasting açıqlamasında hava limanında son üç qəzadan ikisinin eyni çıxış qapısında baş verdiyini və bu yerin hadisələrdən sonra bağlandığını bildirib.
Fevralın 2-də İsveçin paytaxtı Stokholma uçan Norveç Hava Yollarına məxsus təyyarə eyni qapıda hasara çırpılıb.
Fevralın 13-də Norveçin Kristiansand şəhərinə gedən başqa bir təyyarə başqa bir təyyarə ilə toqquşub və təyyarənin qanadı qırılıb.
