ABŞ-da aparılan sorğuya görə, “yelləncək ştatları” kimi tanınan ştatlarda qərarsız seçicilərin 53 faizi keçmiş prezident Donald Trampın günahı sübuta yetiriləcəyi təqdirdə ona səs vermək fikrində olmadığını bildirib.
Bu barədə interpress.az xarici mediaya istinadən xəbər verir.
Bloomberg News/Morning Consult tərəfindən aparılan sorğu ona qarşı açılan 4 ayrı işdə 91 ittihamla mübarizə aparan Trampa qarşı nəticələr ortaya çıxarıb.
Prezident seçkiləri prosesində yaxından izlənilən 7 yelləncək ştatında aparılan sorğuda seçicilərin 53 faizi Trampın ittihamlarla günahkar bilinəcəyi təqdirdə, 5 noyabrda keçiriləcək prezident seçkilərində ona səs vermək fikrində olmadıqlarını bildirib.
Sorğuda Tramp məhkəmənin nəticəsi olaraq həbs cəzası alıbsa, bu nisbət yüzdə 55-ə yüksəlib.
Siyasi analitiklər vurğulayırlar ki, ştatlarda prezident Co Baydeni 6 faiz qabaqlayan, ölkə üzrə keçirilən səsvermələrdə isə baş-başa qalan Tramp seçkidən əvvəl baş verə biləcək mümkün məhkəmə çəkişmələri səbəbindən sorğuların nəticələrinə ciddi təsir göstərə bilər.
ABŞ-da hər seçki dövründə fərqli bir partiyaya səs verən qərarsız seçicilərin əksəriyyətinin olduğu ştatlara “yelləncək ştatları” deyilir.
Ümumilikdə seçki nəticələrinin taleyini müəyyən edən bu ştatlar arasında bu il Arizona, Corciya, Pensilvaniya, Miçiqan, Şimali Karolina, Viskonsin və Nevada ştatları seçilir.
Bloomberg News/Morning Consult sorğusu 16-22 yanvar tarixləri arasında 7 ştatda ümumilikdə 4956 iştirakçı seçici üzərində aparılıb.
