Türkiyə NATO-dan çıxmalıdır!
İnterpress.az xəbər verir ki, bunu Türkiyə Böyük Millət Məclisində Rifah Partiyası sədrinin müavini, millət vəkili Mehmet Aşıl deyib.
O, Türkiyənin NATO-dan dərhal çıxmasına çağırış edib.
“İncirlik Hava Bazası dərhal bağlanmalıdır!”, – deputat deyib.
İncirlik Türkiyənin cənubunda ABŞ və NATO tərəfindən istifadə edilən əsas hava bazasıdır.
Onun bağlanması ABŞ-nin bölgədəki hərbi mövcudluğunun ciddi şəkildə məhdudlaşdırılması demək olardı.
Daha sonra siyasətçi “Kürəcikdəki RLS dərhal bağlanmalıdır!”, fikrini səsləndirib.
Kürəcik Türkiyədə NATO-nun erkən xəbərdarlıq radarının yerləşdiyi yerdir.
Stansiyanın bağlanması NATO-nun bölgədəki raketdən müdafiə sistemini zəiflədəcək.
Çəxışının sonunda Aşıl “ABŞ-nin ölkəmizdəki hərbi mövcudluğu dərhal dayandırılmalıdır!”, tələbini irəli sürüb.
Bu, Amerika hərbi qüvvələrinin və obyektlərinin Türkiyə ərazisindən tamamilə çıxarılmasına çağırışdır.
Sonunda Türkiyə-Amerika münasibətlərində və regionda strateji balansda köklü dəyişiklik demək olardı.
Xuraman Etibarlı
İnterpress.az
