Bu gün UEFA Çempionlar Liqasında II təsnifat mərhələsinə yekun vurulacaq.
Növbəti oyun günün daha 6 cavab qarşılaşması keçiriləcək.
Azərbaycan çempionu “Qarabağ” İsveçrədə “Sürix”in qonağı olacaq. “Köhlən atlar” Bakıdakı ilk görüşdə qələbə qazanıb – 3:2.
“Qarabağ”ın III təsnifat mərhələsindəki potensial rəqiblərindən “Ferentsvaroş” Macarıstanda Slovakiyanın “Slovan” (Bratislava) kollektivi ilə üz-üzə gələcək. İlk oyunda Bratislava təmsilçisi qalib gəlib – 2:1.
“Fənərbağça” Türkiyədə Ukraynanın “Dinamo” (Kiyev) klubunu sınağa çəkəcək. Komandanlar arasındakı ilk qarşılaşmada hesab açılmayıb.
