Gürcüstanın paytaxtı Tbilisinin Kavtaradze küçəsində binalardan birində baş verən yanğında bir nəfər həyatını itirib.
Bu barədə İnterpress.az yerli mediaya istinadən xəbər verir.
Məlumata görə, yanğın çoxmərtəbəli binanın sonuncu mərtəbəsində baş verib və gec müdaxilə edildiyi üçün evdə olan kişini xilas etmək mümkün olmayıb.
Hazırda yanğın lokallaşdırılsa da, şəhərdə nəqliyyatın çökməsi səbəbindən yanğından xilasetmə xidməti qrupları uzun müddət hadisə yerinə çata bilməyib.
