Avstraliyada dörd uşağını öldürməkdə təqsirli bilinən qadının hökmü 20 ildən sonra apellyasiya məhkəməsi tərəfindən ləğv edilib. Bu barədə İnterpress.az xarici mediaya istinadən xəbər verir. Yeni Cənubi Uels Cinayət Apelyasiya Məhkəməsinin baş hakimi Endryu Bell Ketlin Folbiqin üç qətl və bir adam öldürmə ittihamı ilə verdiyi 30 illik həbs cəzasını ləğv edib.
Məhkəmə zamanı uşaqlarının təbii səbəblərdən öldüyünə dair mövcud dəlillərin ya göz ardı edildiyini, ya da rədd edildiyini qeyd edən Folbigg bildirib: “Sistem uşaqların bəzən birdən, gözlənilmədən və ürək ağrıdan ölə biləcəyini qəbul etmək əvəzinə məni günahlandırmağı seçdi”.
Folbiqin vəkili bildirib ki, o, müvəkkilinin həbsdə keçirdiyi illər üçün əyalət hökumətindən “əhəmiyyətli” təzminat tələb edəcək.
Kathleen Folbigg, iddia etdiyi kimi, dörd övladının təbii səbəblərdən öldüyünə dair yeni elmi dəlillər nəticəsində Yeni Cənubi Uels əyaləti hökumətinin göstərişi ilə iyun ayında əfv edilib və həbsxanadan azad edilib.
56 yaşlı Folbiqin əfv edilməsini və bəraət almasını tövsiyə edən istintaq, 2021-ci ildə 90 elm adamı, tibb həkimi və bu sahədən peşəkarların imzaladığı ərizə ilə yeni qeydlərə əsaslanaraq uşaqların təbii səbəblərdən öldüyünü iddia edərək başladılıb.
Folbiqin 1989-cu il təvəllüdlü ilk uşağı Kaleb 19 günlük olanda, ikinci uşağı Patrick 8 aylıq olanda, üçüncü uşağı Sara 10 aylıq olanda və dördüncü uşağı Laura 19 aylıq olarkən ölüb.
Prokurorlar tərəfindən uşaqlarını boğduğu iddia edilən Folbiqq 2003-cü ildə təqsirli bilinərək 30 il müddətinə azadlıqdan məhrum edilib.
2018-ci ildə Ketlinin hər iki qızının qəfil ölümünə səbəb ola biləcək nadir bir genetik xəstəliyə dair sübutlar aşkar edilib.
Patrikin qəfil ölümünün əsas neyrogenetik pozğunluqdan qaynaqlandığına dair ekspert sübutları prokurorların Folbiqqa qarşı iddiasını zəiflədib.
