Britaniya Gəmiçilik Təşkilatı (UKMTO) Yəmən sahillərində bir gəminin raketlə vurulduğunu açıqlayıb.
Bu barədə interpress.az xarici mediaya istinadən xəbər verir.
UKMTO-nun verdiyi açıqlamaya görə, kapitan gəminin Yəmənin Ədən şəhəri yaxınlığında raketlə vurulduğunu bildirib.
Yaxınlıqdakı gəmilərə diqqətli şəkildə tranzit keçmələri və hər hansı şübhəli fəaliyyət barədə quruma məlumat vermələri tövsiyə edilib.
İsrailin Qəzzaya hücumlarına cavab olaraq Yəməndə husilərin ticarət gəmilərinə qarşı son hərəkətlərindən sonra bir çox gəmiçilik şirkəti Qırmızı dənizdəki səyahətlərini dayandırmaq qərarına gəlib.
6 dekabr 2023-cü ildə Pentaqon Yəməndəki huti qüvvələrinin Qırmızı dənizdə ticarət gəmilərinə qarşı hücumlarına qarşı beynəlxalq “Dəniz İşçi Qrupu” yaratmaq üçün danışıqlar apardıqlarını, dekabrın 18-də isə “Dəniz İşçi Qrupu” yaratdıqlarını açıqlayıb.
Husilərin hücumları Aralıq dənizini Qırmızı dənizə birləşdirən, Avropa ilə Asiya arasında ən qısa marşrutu təklif edən və qlobal ticarətin təxminən yüzdə 12-nin həyata keçirildiyi Süveyş kanalından keçidi təhlükə altına alsa da, ticarət gəmilərinə hücumlar Qırmızı dənizdə və şirkətlər tərəfindən verilən ardıcıl qərarlar qlobal iqtisadiyyata təsir edir.
Bu, iqtisadiyyatda yeni bir “təchizat zənciri böhranı”nın başlayacağına dair narahatlıqları artırıb.
