Cənubi Koreya Quam sahillərində ABŞ-ın rəhbərlik etdiyi çoxmillətli sualtı təlimlərində iştirak edəcək.
Bu barədə interpress.az xarici mediaya istinadən xəbər verir.
Yonhap-ın məlumatına görə, Cənubi Koreya Hərbi Dəniz Qüvvələrindən verilən açıqlamada donanmanın sualtı təhdidlərə qarşı imkanlarını artırmaq məqsədilə ABŞ-ın rəhbərlik etdiyi “Dəniz Əjdahası” təliminə qatılacağı bildirilib.
Açıqlamada, Quam sahillərində keçiriləcək təlimə 40 Hərbi Dəniz Qüvvələri personalının və bir P-3 dəniz patrul təyyarəsinin təyin ediləcəyi qeyd edilib.
Açıqlamada Hindistan, Avstraliya və Yaponiyanın da təlimə qatılacağı, təlimin əsgərlərə sualtı qayıqların aşkarlanması və izlənilməsi üçün təlim keçəcəyi və əldə edilən məlumatların iştirakçı ölkələrlə paylaşılacağı bildirilib.
Bəyanatda Cənubi Koreya əsgərlərinin Quamda 1950-1953-cü illər Koreya Müharibəsi veteranları abidəsini ziyarət edəcəyi də qeyd edilib.
