ABŞ Ali Məhkəməsi qərar verib ki, sərhəd patrul zabitləri öz vəzifələrini yerinə yetirmək üçün Texas ştatında Meksika sərhədində yerləşdirilən ülgüc məftillərini kəsə bilərlər. Bu barədə interpress.az xarici mediaya istinadən xəbər verir. Məhkəmə Co Bayden administrasiyasının federal məmurların qeyri-qanuni mühacirlərin Meksika sərhədini keçməsinin qarşısını almaq üçün Texasda əyalət hökumətinin yerləşdirdiyi ülgüc naqillərinə müdaxilə edə bilməsi tələbini 5 əleyhinə 4 səslə qəbul edib.
Beləliklə, sərhəd naryadlarına “vəzifələrini yerinə yetirmək üçün” ülgüc məftilini kəsməyə icazə verilib.
Bayden administrasiyası Texas administrasiyasının sərhəd patrul məmurlarının vəzifələrini yerinə yetirməsinə mane olduğunu əsas gətirərək, zabitlərin digər tərəfə keçmək üçün ülgüc tellərini keçməsinə icazə verilməsini tələb edib.
Texas qubernatoru Greg Abbott qeyri-qanuni immiqrantların ölkəyə keçməsinin qarşısını almaq üçün sərhəddə ülgüc məftillərinin quraşdırılmasına icazə verib.
Sərhəddə qeyri-qanuni mühacirlərə qarşı pis rəftar ölkənin Demokratik qanadından böyük reaksiya alıb.
ABŞ mətbuatında yer alan xəbərə görə, Qubernator Abbott yanında işləyən bir məmurun əsgərlərə “sərhəddəki çaydan gələn nizamsız mühacirləri yenidən çaya doğru itələmələri və onlara su verilməmələri” əmri verdiyi iddia edilib.
