Danimarka ilk dəfə olaraq qadınlar üçün məcburi hərbi xidmətin genişləndirilməsi və standart xidmət müddətinin artırılması planlarını açıqlayıb.
Bu barədə interpress.az xarici mediaya istinadən xəbər verir.
Danimarka NATO hədəflərinə çatmaq üçün növbəti beş il ərzində müdafiə büdcəsini təxminən 6 milyard dollar artırmaq istəyir.
Baş nazir Metter Frederiksen deyib: “Biz müharibə istədiyimiz üçün yenidən silahlandırmırıq. Müharibədən qaçmaq istədiyimiz üçün yenidən silahlandırırıq”.
Rusiyanın 2022-ci ilin fevralında Ukraynaya müharibə elan etməsindən sonra Avropada gərginlik artıb.
Çərşənbə günü islahatları elan edən Frederiksen hökumətin “cinslər arasında tam bərabərliyi” təmin etməyə çalışdığını deyib.
Bu arada, müdafiə naziri Troels Lund Poulsen deyib: “Tam gender bərabərliyi də daxil olmaqla, daha güclü hərbi çağırış müdafiə problemlərinin həllinə, milli səfərbərliyə və silahlı qüvvələrimizin şəxsi heyətinə töhfə verməlidir”.
Hazırda Danimarkada qadınlar könüllü olaraq orduya qatıla bilsələr də, kifayət qədər könüllü olduğu və qanuni olaraq 4 ay xidmət etdikləri üçün kişilər lotereya sistemi ilə çağırılır.
