Almaniya Mərkəzi Bankının Almaniyada apardığı araşdırma, Bankın sələfi Reichsbank-ın 1933-1945-ci illər arasında nasist sisteminin fəaliyyətinə əhəmiyyətli töhfə verdiyini ortaya qoyub.
Bu barədə interpress.az xarici mediaya istinadən xəbər verir.
Almaniya Mərkəzi Bankı (Bundesbank) 1924-cü ildən 1970-ci ilə qədər Almaniyanın mərkəzi banklarının tarixi və milli bank sisteminin hərəkətlərinə dair “Reyxsbankdan Bundesbanka” adlı tədqiqat layihəsinin nəticələrini dərc edib.
Müvafiq olaraq, nasist dövrünün mərkəzi bankı olan Reyxsbank Adolf Hitlerin müharibə səylərini maliyyələşdirərək “siyasi cəhətdən zəif bir quruma və dağıdıcı siyasətin iradəli xidmətçisinə” çevrilib.
Araşdırmalara görə, Reyxsbank Hitlerin döyüş silahlarının maliyyələşdirilməsinə, Almaniyanın işğal etdiyi torpaqların istismarına, yəhudilərin əmlaklarının müsadirə edilməsinə və satışına dəstək verib.
