Taylandda süni intellekt texnologiyası “depressiya və intihar düşüncələri” olan insanlara kömək etmək üçün istifadə olunur.
Bu barədə interpress.az xarici mediaya istinadən xəbər verir.
Qeyd edilib ki, sınaq mərhələsində olan texnologiya ilkin tapıntılara əsasən diaqnozlarının dəqiqliyi baxımından “keçid qiyməti” alıb.
“Bangkok Post” qəzetinin məlumatına görə, “AI DMIND” adlı süni intellekt texnologiyası Taylandın Milli Sağlamlıq Təhlükəsizliyi Ofisinin (NHSO) istifadə etməyə başladığı “, xəstələrin psixoloji vəziyyətini qiymətləndirməyi asanlaşdırır.
Tayland Səhiyyə Nazirliyinin Psixi Sağlamlıq Bölməsi və Banqkok Çulalonqkorn Universitetinin Sağlamlıq və Mühəndislik fakültələrinin birgə hazırladığı süni intellekt texnologiyası nazirliyin səs yazılarını təhlil edərək xəstələrin “depressiya əlamətlərini və intihar düşüncələrinə meylliliyini” aşkar edə bilir.
Bildirilib ki, “AI DMIND” texnologiyası sınaq mərhələsində Taylandın təcrübəli psixiatrları tərəfindən qiymətləndirilib və ilkin nəticələrə əsasən, diaqnozlarının dəqiqliyi ilə bağlı “keçid qiyməti” alıb.
Bildirilib ki, NHSO çərçivəsində həyata keçirilən “AI DMIND” texnologiyası geniş xəstə bazasına çıxışı asanlaşdırmaqla xəstələrin müalicə prosesinin sürətləndirilməsinə töhfə verib.
Chulalongkorn Universiteti Sağlamlıq Fakültəsinin Dekan müavini Prof. Dr. Nijasri Charnnarong açıqlamasında son illərdə psixoloji pozğunluqların artdığına diqqət çəkib.
Qeyd edilib ki, təkcə keçən il Taylandda 15 yaşdan yuxarı təxminən 1,5 milyon insana diaqnoz qoyulub, onların yalnız üçdə biri uyğun müalicə prosesinə başlayıb.
