Tailandda Baş nazirliyə namizəd qadınlara 4 nəfərlə evlənməyə icazə verilməsini təklif edib.
İnterpress.аz xəbər verir ki, bu barədə xarici KİV məlumat yayıb.
Tailandda keçiriləcək seçkilərdə Baş nazir postuna namizədlərdən biri cəmiyyətdə geniş müzakirələrə və mübahisələrə yol açan qeyri-adi təkliflə çıxış edib.
Siyasətçi qadınların rəsmi olaraq dörd nəfərə qədər həyat yoldaşına (ərə) sahib olmasına qanunla icazə verilməsini təklif edib.
Bu fərqli təklifə əsasən, nikahın bağlanması üçün evlənəcək bütün tərəflərin qarşılıqlı və könüllü razılığı mütləq şərtdir.
Siyasətçi öz təşəbbüsünü rəsmən gender bərabərliyi prinsipləri ilə izah edib. O bildirib ki, əgər bəzi mədəniyyətlərdə kişilərə çoxarvadlılığa rəsmi icazə verilirsə, qadınlar da eyni dərəcədə hüquqa malik olmalıdırlar.
Mətbuatda yayılan bu maraqlı bəyanat həm Tailandda, həm də beynəlxalq səviyyədə böyük rezonans doğurub.
Bir çoxları bu təklifi radikal gender bərabərliyi addımı hesab etsə də, bəzi mühafizəkar və dini dairələr bu təşəbbüsə kəskin etirazlarını bildiriblər.
Xuraman Etibarlı
İnterpress.аz
