ABŞ-ın Nevada ştatında Las Veqas Universitetində baş verən atışmada 3 nəfər həyatını itirib, hücum edən şəxs zərərsizləşdirilib. Bu barədə İnterpress.az yerli mediaya istinadən xəbər verir. ABŞ-ın Nevada ştatında Las Veqas Universitetinin kampusuna silahlı hücum olub.
Tələbələr böyük çaxnaşma yaşayarkən ABŞ polisi universitetdəkilərdən təhlükəsiz ərazilərə sığınmalarını istəyib.
Hadisə nəticəsində 3 nəfərin öldüyü, 3 nəfərin yaralandığı bildirilib.
Hücum edənin zərərsizləşdirildiyi açıqlanıb. Hücum edənin kimliyi ilə bağlı açıqlama verilməsə də, hadisə ilə bağlı istintaq davam edir.
