ABŞ-ın Nyu-Meksiko ştatının Linkoln bölgəsində bir nəfər vəbadan ölüb.
Bu barədə interpress.az xarici mediaya istinadən xəbər verir.
Nyu Meksiko Sağlamlıq Müdirliyinin martın 8-də verdiyi açıqlamadan sonra vəbadan ölən şəxslə bağlı xəbərlər ABŞ mətbuatında geniş işıqlandırılıb.
Səhiyyə Müdirliyinin yazılı açıqlamasında, əyalətin Linkoln bölgəsində vəba xəstəliyinə tutulan şəxsin xəstəxanaya yerləşdirildikdən sonra həyatını itirdiyi bildirilib.
Açıqlamada, hadisənin “2020-ci ildən bəri Nyu Meksikoda vəbadan ölən ilk insan” olaraq qeydə alındığı açıqlanıb.
Açıqlamada əyalətdə 2020-ci ildə vəbaya yoluxan 4 nəfərdən birinin öldüyü, sonuncu vəba hadisəsinin isə 2021-ci ildə görüldüyü, səhiyyə işçilərinin riski müəyyən etmək üçün bölgə sakinləri ilə əlaqə saxlayacağı qeyd edilib.
Taun insanlara və heyvanlara yoluxmuş bitlərdən və ya xəstəliyi daşıyan heyvanlardan keçir.
Vəbanın ən çox yayılmış forması olan bubon taunu erkən diaqnoz qoyularsa, 7-14 gün ərzində antibiotiklərlə müalicə oluna bilər.
Qitə əhalisinin demək olar ki, yarısı 1300-cü illərin ortalarında Avropanı viran qoyan “Qara Ölüm” kimi tanınan vəba epidemiyasında həyatını itirdi.
