ABŞ prokurorluğu Maduroya qarşı işi genişləndirir.
İnterpress.az xəbər verir ki, bu barədə “CBS News” məlumat yayıb.
Amerika Birləşmiş Ştatlarının prokurorluq orqanları Venesuela Prezidenti Nikolas Maduroya qarşı yeni ittihamlar hazırlayır. Buna səbəb kimi hazırkı cinayət işinin kifayət qədər “zəif” olması göstərilir.
Telekanalın məlumatına görə, bu araşdırma Maduronun müttəfiqi Aleks Saabın ABŞ-yə deportasiya edilməsindən sonra başlayıb.
Amerika hakimiyyəti Saabı Venesuelanın dövlət ərzaq proqramı vasitəsilə çirkli pulların yuyulmasında ittiham edir.
Yeni ittihamların Maduro administrasiyasına qarşı beynəlxalq təzyiqləri daha da gücləndirəcəyi gözlənilir.
Xuraman Etibarlı
İnterpress.az
