Almaniya iqtisadiyyatı keçən il əvvəlki ilə nisbətən 0,3 faiz kiçilib.
Bu barədə interpress.az xarici mediaya istinadən xəbər verir.
Almaniya Federal Statistika İdarəsi (Destatis) Almaniya iqtisadiyyatının 2023-cü il üçün aparıcı artım məlumatlarını açıqlayıb.
Məlumatlara görə, Almaniyada mövsüm və təqvim təsirlərindən təmizlənmiş ümumi daxili məhsul (ÜDM) keçən il bir əvvəlki ilə görə yüzdə 0,3 azalıb.
Almaniya iqtisadiyyatında daralma tempi bazar gözləntilərinə uyğun idi.
Avropanın ən böyük iqtisadiyyatına malik Almaniya 2022-ci ildə 1,3 faiz artıb.
Almaniya iqtisadiyyatı 2023-cü ilin son rübündə əvvəlki rüblə müqayisədə yüzdə 0,3 azalıb.
Destatis prezidenti Ruth Brand deyib ki, çox sayda böhranla yadda qalan 2023-cü ildə Almaniyada ümumi iqtisadi inkişaf pozulub.
Yüksək qiymət səviyyələrinin iqtisadi artımı məhdudlaşdırdığına diqqət çəkən Brand, artan faiz dərəcələri və zəif daxili və xarici tələbdən qaynaqlanan mənfi maliyyə şərtlərinin də iqtisadiyyata mənfi təsir göstərdiyini bildirib.
Brend Almaniya iqtisadiyyatının COVID-19 epidemiyasının başladığı 2020-ci ildə kəskin iqtisadi tənəzzüldən sonra 2023-cü ildə girdiyi bərpa prosesini davam etdirə bilməyəcəyinə diqqət çəkib.
