Spotify musiqi platformasının etirazından sonra Avropa Komissiyası “Apple”i 2 milyard dollar cərimələyib.
Bu barədə interpress.az xarici mediaya istinadən xəbər verir.
Buna səbəb isə “App Store” tətbiqlərində dominant mövqeyindən sui-istifadə etməsi olub.
Aİ Komissiyasının rəqabət üzrə rəhbəri Margrethe Vestager deyib: “Apple on il ərzində Apple Store vasitəsilə musiqi xidmətlərinin paylanmasında bazardakı dominant mövqeyindən sui-istifadə etdi. Onlar bunu tərtibatçıları Apple xaricindəki daha sərfəli alternativlərdən məhdudlaşdırmaqla etdilər”.
O, həmçinin Apple-ın dəyişikliklərini diqqətlə nəzərdən keçirdiyini və şirkətin martın 7-də qüvvəyə minən Rəqəmsal Bazarlar Aktı kimi tanınan Aİ-nin yeni texnologiya qaydalarına uyğun olub-olmadığını öyrənmək üçün bazardan gələn rəyləri də nəzərə alacağını söyləyib.
Apple bir bəyanat verib və tənzimləyicilərin rəqabətli, sürətlə böyüyən reallıqlara məhəl qoymadıqlarını bildirərək cəzaya etiraz edib.
Texnologiya nəhəngi Apple-ın gəlirləri 30 dekabr 2023-cü ildə sona çatan üç aylıq dövrdə 119,6 milyard dollara, iPhone satışları isə 6 faiz artaraq 69,7 milyard dollara çatıb.
