Avstraliya polisi Milad bayramı zamanı Avstraliya çimərliklərində 124 kiloqram kokain olan bağlamaların tapıldığını açıqlayıb. Bu barədə İnterpress.az xarici mediaya istinadən xəbər verir. Sidney və Nyukasl arasındakı çimərliklərdə sakinlər tərəfindən hər birində 1 kiloqram kokain olan 39 ədəd kərpic formalı bağlama aşkar edilib.
Hadisə yerinə gələn polislər məhkəmə-tibbi ekspertizadan keçmək üçün bağlamaları götürüblər.
Polis rəsmiləri qeyd ediblər ki, son bir həftədə çimərliklərdə tapılan kokainin miqdarı 124 kiloqrama çatıb.
Səlahiyyətlilər vətəndaşlardan oxşar bağlamalar gördükləri təqdirdə səlahiyyətlilərə məlumat vermələrini və onları açmamalarını xahiş ediblər.
