Bakının məşhur “Whitestone residence” şirkəti yerləşdiyi Nərimanov rayonu, Qarabağ küçəsinin bir hissəsini zəbt edib.
Bu barədə İnterpress.az-a bir qrup sakin və sürücülər məlumat veriblər.
Onların sözlərinə görə, Qarabağ küçəsinin şirkətin ofisinin yerləşdiyi hissəsində qanunsuz parklanmalar yaradıldığından ərazidən digər nəqliyyat vasitələrinin hərəkətində çətinliklər yaranır.
Şirkətin əməkdaşlarına məxsus avtomobillərin küçədə park edilməsi yolda hərəkəti həm məhdudlaşdırıb, həm də qəza şəraiti yaradıb.
Buna görə də sakinlər sözügedən problemin aradan qaldırılması üçün aidiyyəti qurumlara müraciət ünvanlamağa hazırlaşır.
Qeyd edək ki, Whitestone residence” şirkətinin adı mətbuatda qalmaqallarla yadda qalıb. Əvvəllər də dəfələrlə şirkətin yol verdiyi nöqsanlarla bağlı mediada müxtəlif materiallar dərc olunub.
Sözügedən şirkətin isə Abşeron Rayon İcra Hakimiyyətinin başçısı Abdin Fərzəliyevə məxsus olduğu iddia edilir. İddiaya görə, A.Fərzəliyev bu şirkəti hələ Nərimanov Rayon İcra Hakimiyyətinin başçısı vəzifəsində çalışarkən yaradıb.
